కళాకారులకి పుట్టినిల్లు..

చెన్నూరు.... ఎందరో కళాకారులకి  పుట్టినిల్లు.. సంగీత సాహిత్య సుమాలు విరిసిన నేల ఇది.. గంగా జలంలోని పవిత్రతని సంతరించుకున్న రక్తం ఇక్కడి వీరులది.. అభినవ పోతనగా పేరొందిన వానమామలై వరదాచార్యులు తన కవితా మాధుర్యంతో ఈ ఊరికే వన్నె తెచ్చారు.. జక్కేపల్లి  కృష్ణ శాస్త్రి (కిష్టయ్య) గారు తన సంగీత ఝరితో ఈ ప్రాంతాన్ని పులకరింప జేశారు. వారి వారసులు అదే బాటలో నడిచి ఈ నేల ఖ్యాతిని ఇనుమడింపజేశారు. బ్రహ్మశ్రీ స్వయంభట్ల సీతారామయ్య గారనే పండిత వర్యులు, మచ్చ హనుమాన్ సిద్ధాంతి , శేష శాస్త్రి మొదలైన వారు ఇక్కడ తర్క పండితుల్లో ప్రముఖులుగా వెలుగొందారు. బ్రహ్మశ్రీ గట్టు నరహరి శర్మ(వేదం అయ్యవారు ) అవధానిగా, పండితుడిగా ఎన్నో యజ్ఞ,యాగా,జప,తప స్థాపన క్రతువులతో నిత్యక్రుశీవలుడై విరాజిల్లుతున్నాడు. ఇటీవల  మన చెన్నూర్  లోని  షిరిడీ సాయిబాబా ఆలయంలో విగ్రహ ప్రతిష్టాపన చేసింది కుడా వీరే . ఇక ప్రముఖ పంచాంగకర్త శ్రీరాంభట్ల ముక్తేశ్వర సిద్ధాంతి జన్మ స్థలం కూడా ఇదే. అలాగే ప్రస్తుతం MLC గా ఉన్న, ప్రముఖ జర్నలిస్ట్ K.నాగేశ్వర్ కుడా మన చెన్నూర్  నియోజక వర్గంలోని మందమర్రి మండలంలోని ఆదిల్ పేట గ్రామంలో జన్మించిన వారే.